ન્હાના ન્હાના રાસ/ટહુકો

by ન્હાનાલાલ કવિ

આ કૃતિ/પાનું હમણાં જ અહીં લાવ્યા છીએ અને તેની ભૂલશુદ્ધિ (પ્રૂફ રીડીંગ) બાકી છે. જો તેમાં કોઈ ભૂલો જણાય તો ક્ષમા કરશો, થોડા સમયમાં આનું શુદ્ધિકરણ કરીને તેને આખરી ઓપ આપી દેવામાં આવશે.

← જાવા દ્યો, જોગીરાજ!

ન્હાના ન્હાના રાસ - ભાગ ૨ ટહુકો ન્હાનાલાલ કવિ

ડોલતા ડુંગર  →

 
 
વેગળી વસન્તના મોંઘા આલાપ.
મોંઘા આલાપ, લોલ ઉરના વિલાપ:
વેગળી વસન્તના મોંઘા આલાપ.

સરિતાની કુંજ મંજુ ટહૌકાની રેલમાં
ઝૂકી, ઝૂક્યાં કો ચતુરાનાં ચાપ :
વેગળી વસન્તના મોંઘા આલાપ.

ધીમી ધીમી મ્હારી કોકિલા રડે છે;
માનવી સુણે છે કેલિના ક્લાપ :
વેગળી વસન્તના મોંઘા આલાપ.

(પૂર્ણ)