ન્હાના ન્હાના રાસ/ડોલતા ડુંગર

by ન્હાનાલાલ કવિ

આ કૃતિ/પાનું હમણાં જ અહીં લાવ્યા છીએ અને તેની ભૂલશુદ્ધિ (પ્રૂફ રીડીંગ) બાકી છે. જો તેમાં કોઈ ભૂલો જણાય તો ક્ષમા કરશો, થોડા સમયમાં આનું શુદ્ધિકરણ કરીને તેને આખરી ઓપ આપી દેવામાં આવશે.

← ટહુકો

ન્હાના ન્હાના રાસ - ભાગ ૨ ડોલતા ડુંગર ન્હાનાલાલ કવિ

તમીસ્ત્રા →

  
અન્ધારી રાતના ડુંગર ડોલે રે;
જગમાં અન્ધારાં ઢોળે:
સોહાગી રાજ!
ડુંગર ડોલે ને મ્હારાં હૈયાં ડોલે રે.

મેઘલી સ્હાંજ શા ડુંગર ડોલે રે;
મુંગા યે મોરલા બોલે:
સોહાગી રાજ!
ડુંગર ડોલે ને મ્હારાં હૈયાં ડોલે રે.

જુગજુગના જોગી જેવા ડુંGઅર ડોલે રે;
ઝ્‌લન્તા ઝાડીઓને ઝોલે:
સોહાગી રાજ!
ડુંગર ડોલે ને મ્હારાં હૈયાં ડોલે રે.

કાળની કીકી સમા ડુંગર ડોલે રે;
વિશ્વ રમે એહ દૃષ્ટિછોળે:
સોગાગી રાજ!
ડુંગર ડોલે ને મ્હારાં હૈયાં ડોલે રે.

બ્રહ્મા પદ્મ પેઠ ડુંગર ડોલે રે;
આતમ ડોલે એ હિંડોલે:
સોહાગી રાજ!
ડુંગર ડોલે ને મ્હારાં હૈયાં ડોલે રે.

અમ્મર આયુષ્યના ડુંગર ડોલે રે;
ડોલે ભૂગોલ ને ખગોલે:
સોહાગી રાજ!
ડુંગર ડોલે ને મ્હારાં હૈયાં ડોલે રે.

(પૂર્ણ)