ન્હાના ન્હાના રાસ/નીર ડોલે

by ન્હાનાલાલ કવિ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← નન્દિની

ન્હાના ન્હાના રાસ - ભાગ ૨ નીર ડોલે ન્હાનાલાલ કવિ

નેણલનાં મહેમાન →

  
નીર ડોલે, નીર ડોલે, સૃજનનાં નીર ડોલે રે:
નીર ડોલે, નીર ડોલે, પ્રલયનાં નીર ડોલે રે. ધ્રુવ.

નેહે જગમાત કેરી આંખડી રે ડોલે :
ડોલે હરિ લક્ષ્મીજીને ખોળે :
સૃજનનાં નીર ડોલે રે.

શેષ કેરા મણિ ડોલે, સાગરતરંગ ડોલે;
ડોલે બ્રહ્મા પદ્મને હિન્ડોલે :
સૃજનનાં નીર ડોલે રે.

નિરખી જગનાથ કેરાં હઈડાં હસી રહ્યાં;
મૂક્યું નૃત્ય તે દિને ભૂગોલે :
સૃજનનાં નીર ડોલે રે.

નીર ડોલે, નીર ડોલે, સૃજનનાં નીર ડોલે રે.
-૦-