ન્હાના ન્હાના રાસ/નીર ડોલે

વિકિસ્રોતમાંથી
← નન્દિની ન્હાના ન્હાના રાસ - ભાગ ૨
નીર ડોલે
ન્હાનાલાલ કવિ
નેણલનાં મહેમાન →



નીર ડોલે

નીર ડોલે, નીર ડોલે, સૃજનનાં નીર ડોલે રે:
નીર ડોલે, નીર ડોલે, પ્રલયનાં નીર ડોલે રે. ધ્રુવ.

નેહે જગમાત કેરી આંખડી રે ડોલે :
ડોલે હરિ લક્ષ્મીજીને ખોળે :
સૃજનનાં નીર ડોલે રે.

શેષ કેરા મણિ ડોલે, સાગરતરંગ ડોલે;
ડોલે બ્રહ્મા પદ્મને હિન્ડોલે :
સૃજનનાં નીર ડોલે રે.

નિરખી જગનાથ કેરાં હઈડાં હસી રહ્યાં;
મૂક્યું નૃત્ય તે દિને ભૂગોલે :
સૃજનનાં નીર ડોલે રે.

નીર ડોલે, નીર ડોલે, સૃજનનાં નીર ડોલે રે.