ન્હાના ન્હાના રાસ/બ્હેનાં! આવો

by ન્હાનાલાલ કવિ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← આમંત્રણ

ન્હાના ન્હાના રાસ - ભાગ ૧ બ્હેનાં! આવો ન્હાનાલાલ કવિ

ભેદના પ્રશ્ન →

  
એક આંબો મ્હોરે મ્હોરે આંગણે રે લોલ :
ઘેરગમ્ભીર ત્હેની ઘટા ઢળી રે લોલ :
બ્હેનાં! આવો રસાળ એની છાંયડી રે લોલ.

એક આસોપાલવ મ્હારી વાડીમાં રે લોલ :
ઘેરગમ્ભીર ત્હેની છટા ઢળી રે લોલ :
બ્હેનાં! આવો, હેતાળ ત્હેની છાંયડી રે લોલ.

એક વડલો ઊભો વનચોકમાં રે લોલ :
ઘેરગમ્ભીર ત્હેની જટા ઢળી રે લોલ :
બ્હેનાં! આવો, વિશાલ ત્હેની છાંયડી રે લોલ.
-૦-