ન્હાના ન્હાના રાસ/રાસ

by ન્હાનાલાલ કવિ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← રંગધેલી

ન્હાના ન્હાના રાસ - ભાગ ૨ રાસ ન્હાનાલાલ કવિ

લોક-લોકના રાસ →

  
સખિ ! આજે મૃદંગચંગ સાજે
કિરીટ શીર્ષ છાજે વિરાજે વસન્તના.
વેણુ વાજે, સ્નેહ પાજે;
ત્હારે કાજે કુંજ ગાજે:
સખિ ! આજે વિ. ધ્રુવ.

બેઠી બાલા વિશાલા ઉમંગમાં ;
વાટ જોતી કપોતી શી અંગના,
પન્થ ભાળે-નિહાળે છે કન્થના
હસન્ત આ દિગન્તમા !

વેણુ વાજે, સ્નેહ પાજે;
ત્હારે કાજે કુંજ ગાજે:
સખિ ! આજે વિ.
-૦-

(પૂર્ણ)