ન્હાના ન્હાના રાસ/હતો

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← સંભારણાં ન્હાના ન્હાના રાસ - ભાગ ૧
હતો
ન્હાનાલાલ કવિ
માફ કરજે, બાલા! →


  
એક-એક વીરો હતો, વીરો હતો :
ત્હેની બ્હેનીને પાટ જઇ બેઠો :
હો ! એક-એક વીરો હતો, વીરો હતો.

એક-એક સ્વામી હતો, સ્વામી હતો :
ત્હેની વ્હાલીને વાટ જઇ બેઠો :
હો ! એક-એક સ્વામી હતો, સ્વામી હતો.

એક-એક જોગી હતો, જોગી હતો :
ત્હેની જોગણને ઘાટ જઇ બેઠો :
હો ! એક-એક જોગી હતો, જોગી હતો.
-૦-