ન્હાના ન્હાના રાસ - ભાગ ૩/સોહાગિયા
| ← સોનેરી સોણલા | ન્હાના ન્હાના રાસ - ભાગ ૩ સોહાગિયા ન્હાનાલાલ કવિ |
સૌન્દર્યના દેશ → |
ઉરનાં બારણાં ઉઘાડો, સોહાગિયાં !
ભાગ્યનાં બારણાં ઊઘડશે, સોહાગિયાં !
કાળની કુંજ સમી ઝાડીઓ રે
ઝૂકી જમનાને ઘાટ,
ઝૂકી જમનાને ઘાટ,
પ્રેમના પંખી ડાળે માણતાં,
જગે ઢોળે કિલકિલાટ,
જગે ઢોળે કિલકિલાટ,
સુણજો, ઓ સ્નેહનાં સોહાગિયાં !
જાગો, ઓ સ્નેહનાં સોહાગિયાં !
આભના આગળા ઉઘાડો, સોહાગિયાં !
ભાગ્યનાં બારણાં ઊઘડશે, સોહાગિયાં !