આ પાનું પ્રમાણિત થઈ ગયું છે.
૧૧
સહકાર
વર્તમાન યોજના
સહકાર
વર્તમાન યોજના
આર્થિક સિદ્ધાંત
સહકારના ગુણદોષ તરફ આપણે નજર કરી. ગુણદોષ સમજીને સહકારનો આશ્રય લેવામાં આવે તો ગ્રામપુનર્ઘટનાની આર્થિક બાજુને બહુ વિકસાવી શકાય એમ છે.
સહકાર એક સનાતન આર્થિક સિદ્ધાંત છે. એ સિદ્ધાંતને આર્થિક જીવનમાં ઉપયોગી બનાવતાં તે વર્તમાન યુગની એક શાસ્ત્રીય આર્થિક યોજના બની શકે છે. આર્થિક યોજના બનતાં તે એક વ્યાપારી પદ્ધતિ પણ બની જાય છે, અને તેનો ધીરધારમાં પણ સારો ઉપયોગ થઈ શકે એમ છે.
શુભ તત્ત્વોનો સ્વીકાર
સહકાર પશ્ચિમમાંથી આવ્યો એ ખરું–પરંતુ પશ્ચિમની આવેલી બધી જ વસ્તુઓને ખરાબ કહેવી એનો કશો અર્થ નથી. આપણી ભાવનાને, આપણા સંસ્કારને અને આપણા જીવનને પરતંત્ર બનાવતી કોઈ પણ પરદેશી વસ્તુ સારી નહિ. પરંતુ જો એ પરદેશી વસ્તુ આપણા સંસ્કારને પુષ્ટ કરે, આપણી ભાવનાઓને વેગ આપે, આપણા જીવનને
