પૃષ્ઠ:Ishu Khrist.djvu/૪૧

વિકિસ્રોતમાંથી
Jump to navigation Jump to search
આ પાનાનું પ્રુફરીડિંગ થઈ ગયું છે
૨૫

પ્રવૃત્તિ

પવિત્ર તે કુળ, પાવન તે દેશ, જ્યાં હરિદાસ ધરે જન્મ. ૧
કર્મધર્મ તેનાં સર્વ નારાયણ, તેનાથી પાવન ત્રણે લોક. ૨
વર્ણ અભિમાને થયા જે પાન, જણાવો, સુજાણ તેનાં નામ. ૩
અંત્યજાદિ વર્ણો તર્યા હરિનામે, ગાયો છે પુરાણે તેનો યશ. ૪
વૈશ્ય તુલાધાર, ગોરો તે કુંભાર, મોચીડો ચમાર રોહીદાસ. ૫
કબીર, મોમીન, લતિફ મુસલમાન, સેનો નાવી,.[૧] જાણ, વિષ્ણુદાસ. ૬
દાદુ તે પિંજારો, કાનોપાત્રા[૨], ખોદ,[૩] પામ્યા તે અભેદ પ્રભુ પદે. ૭
ચોખામેળો, બંકો જાતિના મહાર,[૪] તેશું સર્વેશ્વર ઐક્ય કરે. ૮
નામા તણી જની, કેવો તેનો ભાવ ? જમે પંઢરીરાવ તેના ભેળા ! ૯
મૈરાળ જનક, નહિ કુળ જાણું, માહાત્મ્ય શું કહેવું તેનું મુખે ? ૧૦
જાતિપાંતી ધર્મ વૈષ્ણવને ન હોય, કર્યો છે નિર્ણય વેદશાસ્ત્રે. ૧૧
તુકારામ તમે ખોળી જુઓ ગ્રંથ, કેટલા પતિત તાર્ય અપૂર્વે. ૧૨

नेझेरेथमां

સૅમારિયાથી ઈશુ ગૅલિલીમાં પોતાને ગામ ગયો. ત્યાં એણે મન્દિરમાં એક ઉપદેશ આપ્યો. એણે લોકોને ઈશ્વરના રાજ્યનો સંદેશો સાંભળવા કહ્યું; પવિત્રતાથી એ રાજ્યના અધિકારી થવા વીનવ્યાં. પણ અમારી નજર આગળ મોટો થયેલો આ છોકરો અમને ડાહી ડાહી વાતો સંભળાવે, અને મારિયાનો દીકરો પોતાને ઈશ્વરનો પુત્ર*[૫] કહેવડાવે એ લોકોથી ખમાયું નહિ. તે ઈશુને મારવા ઉઠ્યા, અને ગામ બહાર કાઢી મૂક્યો. 'સાધુ ઘેર પૂજાય નહિ', એમ વિચારી ઈશુ કૅપરનાઉમ જઈ કેટલોક વખત રહ્યો.


  1. હજામ
  2. વેશ્યા હતી,
  3. નપુંસક હતો,
  4. ઢેડ
  5. *'ઈશ્વરનો પુત્ર' ઉપર નોંધ જુઓ.