આ પાનાનું પ્રુફરીડિંગ થઈ ગયું છે
એ ત્હારૂં તેથી તુંને શું ?
એને મન તો ના છે શું શું ?
વેચે તો વેચાયા થાશું,
આંસુડે પગ ધોતા જાશું !
૨૬-૩-૧૮૯૭
હસવા કહેતીને
રોવાનું ક્હે તો રોવાશે
હૈયું કાંઈ હલકું થાશે !
શાને ખાલી હસવા ક્હેવું ?
ક્યાંથી હસશે ભારે હૈયું ?
પ્યાલા કાં ભરતી મદિરાના ?
એથી આ મુખડું ફરશે ના ?
હૈયાના ચીરા ટળશે ના !
રોનારૂં હસશે ના હૈયું !
૨૯-૩-૧૮૯૭
રુરુદિષા
ઉભરાઈ જરા નયહો પલળે,
ઉરના શયને પણ દાઅ બળે;
નવ બાફ ઝરે, ઝરતો ન ઠરે હજુ
દર્દ મહીં દિલદાગ કળે.
નવ પૂર વહે મનને ગમતું,
જિગરે જળતો વિષનો વશમો દવ :
ખાક મહીં ધગતું મુજ આ શબ :
આ ઉર આ ઉરને દમતું !
૨૭-૩-૧૮૯૭
કલાપીનો કેકારવ/૪૨૧
