આ પાનાનું પ્રુફરીડિંગ થઈ ગયું છે
૯૬
રાસચંદ્રિકા
પંખીડું!
♦ ગરબી*[૧]. ♦
કૂવામાંનાં પાણી આવે હવાડાની માંય,
મારાં હૈડાંનાં હેત એવાં આંખે છલકાય :
સખી ! પંખીડું કો બોલે મારે બારણે રે લોલ. ૧
ઊંચી નીચી વાદળી ને વીજળીના ખેલ,
એવી ઝબૂકે છે આશા મારા મનડાને મહેલ :
સખી ! પંખીડું કો પલકે મારે બારણે રે લોલ. ૨
અંધારિયા આંગણામાં ચાંદનીના ચોક,
એવાં ફૂલડાં વેરાય મારાઆતમાને ગોખ :
સખી ! પંખીડું કો ઝૂકે મારે બારણે રે લોલ. ૩
નીલે નીલે આભે રેલે કાળા ધોળા મેઘ,
મારી નિંદર રેલાય એવા સોણલાંના વેગ :
સખી ! પંખીડું કો ખેલે મારે બારણે રે લોલ. ૪
- ↑ ** * આ ગરબી નવી રચી છે. રાગ જીલ્લો - તાર કેરબો.