આ પાનાનું પ્રુફરીડિંગ થઈ ગયું છે
૧૭૬
રાસચંદ્રિકા
વહાલો નચાવે ઉર વેણુંમાં રે લોલ,
સાથે નચાવે હીરા નેણ જો !
વહાલાની વેણુ વાગી વનમાં રે લોલ.
હેઇયું ડોલાવે મારું રાંકડું રે લોલ,
વહાલાની વેણુંના મોહનવેણ જો:
વહાલાની વેણુ વાગી વનમાં રે લોલ. ૩
વેણું વગાડે ધીરી વીરલી રે લોલ,
ધીરીને કરે વીલી અધીર જો !
વહાલાની વેણુ વાગી વનમાં રે લોલ.
વેણુ ઝરે છે સુધાઝરણમાં રે લોલ:
નયન મારામ્ નીતરે નેહનાં નીર જો !
વહાલાની વેણુ વાગી વનમાં રે લોલ. ૪
વહાલા ! વગાડ વેણુ વહાલથી રે લોલ:
વેણુનો પ્રાણ બની ગાઉં જો !
વહાલાની વેણુ વાગી વનમાં રે લોલ.
અંતરનાં ગાન ઊંડા ઝીલવા રે લોલ,
વહાલાની વેણુ ક્યારે થાઉં જો !
વહાલાની વેણુ વાગી વનમાં રે લોલ ! ૫