આ પાનાનું પ્રુફરીડિંગ થઈ ગયું છે
૨૧૦
રાસચંદ્રિકા
હૈડાંની આગ
♦ પ્રેમની પીડા તે કોને કહીએ રે . ♦
આવડું તે આળ નવ ધરીએ રે,
હો રસિયાજી!
આવડું તે આળ નવ ધરીએ ! —
હૈડાની આગ તે તો હૈડે ધૂંધવાડીએ,
અબલા તે અમો કશું કરીએ રે?
હો રસિયાજી! ૧
વાંકું વચન તમ કાળજું આ વીંધે,
ડૂબતાંને દાબો નવ દરીએ રે !
હો રસિયાજી! ૨
રાતદિન બળી જળી રાખ થઈ રહીએ,
ઠાર્યાં તે કેમ કરી ઠરીએ રે ?
હો રસિયાજી! ૩
અબલા અમો તો સદા રહીએ પરાધીન,
પળપળ લોકલાજે ડરીએ રે:
હો રસિયાજી! ૪