આ પાનાનું પ્રુફરીડિંગ થઈ ગયું છે
દાંપત્ય
૨૧૯
પ્રેમદાન
♦ અમે રે સાથે શું રાજ ! માયા ઉતારી ♦
ધોમ ધખેને ધરણી તરસે,
ધમધમ મેહુલો વરસે:
વહાલમજી !
એવાં તે પ્રેમદાન દેશોજી ક્યારે ? ૧
મુખડાના મોહ ને દિલડાના દાવા,
આખરે છે હૈયું ઠગાવા:
વહાલમજી !
સાચાં તે પ્રેમદાન દેશોજી ક્યારે ? ૨
નયન નયનમાં પ્રતિમા પલકે,
હૈડે પરમરસ છલકે :
વહાલમજી !
મોંઘા તે પ્રેમદાન દેશોજી ક્યારે ? ૩
ખેલું જગાડી અંધારને ભડકે,
વીજળીશું વાદળને પડખે:
વહાલમજી !
શૂરાં તે પ્રેમદાન દેશોજી ક્યારે ? ૪