આ પાનાનું પ્રુફરીડિંગ થઈ ગયું છે
સંસારવિષાદ
૨૪૩
સુખનાં સંભારણાં
♦ પાલવડો મારો મેલો, મોહનજી. ♦
સુખનાં સંભારણાં સળકે, સાહેલડી !
અંતરની આંખ મારાં આંસુ ધુએ;
મનના મહેરામણ છલકે, સાહેલડી !
અંધી ચોમાસાની લીલું જુએ ! —
સુખનાં સંભારણાં₀ ૧
ચંદનીની પાંદડીઓ પડતી સરોવરે,
પાણીડાં પળપળી ઝળતાં હસે;
આજે અમાસની રાતે, સાહેલડી !
હૈયાનું સરોવર શેણે લસે ?
સુખનાં સંભારણાં₀ ૨
સંધ્યાનાં કુસુમલ કિરણે સોહાગણી
ઊઘડે ચંબેલીની કળીએ કળી;
મારે તો સંધ્યાનાં સોણાં, સાહેલડી !
દિલની કળીઓ મારી ઝૂમે ઢળી !
સુખનાં સંભારણાં₀ ૩
