આ પાનાનું પ્રુફરીડિંગ થઈ ગયું છે
૬૨
રાસચંદ્રિકા
ઝીલે મોગરાને અંબેલી
કે ખીલવે પાંખડી રે લોલ !
ઝીલે ગુલછડી કો અલબેલી,
કે કુમુદની આંખડી રે લોલ. ૪
ઝીલે વાદળી, સરિતા, સિંધુ,
કે હંસ ને મોરલા રે લોલ;
ઝીલી ચાંદનીપૂર્યાં બિંદુ,
કે મોતીડાં ધરે કલા રે લોલ ! ૫
આવો, આવો સૌ ઝીલનારાં !
કે ઝીલતાં કાળપ જશે રે લોલ;
ઊજળાં હાસ્ય એ વિધિનાં ન્યારાં
કે ઊજળે હૈયે વસે રે લોલ ! ૬
રસ રસ ચાંદની રે રેલાય
કે પરમ પ્રસાદની રે લોલ :
અમૃત ઊજળેરાં ઉભરાય :
કે લ્યો લ્યો ચાંદની રે લોલ ! ૭