આ પાનાનું પ્રુફરીડિંગ થઈ ગયું છે
વિશ્વલીલા
૬૩
રૂપેરી ચાંદની
♦ નીંદર ભરી રે ગુલાબે ભરી. ♦
ચલકી રહી રે હો ! ચલકી રહી,
આ રૂપેરી ચાંદની ચલકી રહી ! —
ફરતી આકાશે દેવસુંદરી કો ગોરી,
તેની આ પદરજ ઝલકી રહી :
આ રૂપેરી ચાંદની ચલકી રહી. ૧
દુનિયામાં દેવ કેરા આનંદ ઉતારવા,
રસની આ છોળ જાણે છલકી રહી :
આ રૂપેરી ચાંદની ચલકી રહી. ૨
રૂપેરી ફૂલપાન સાગર પર વેરતી,
ઘેલી આ પ્રેયસી કો પલકી રહી :
આ રૂપેરી ચાંદની ચલકી રહી. ૩
અધરાતી આંખોને એ અમૃતથી આંજવા,
લજજાળુ લલના શું લળકી રહી ?
આ રૂપેરી ચાંદની ચલકી રહી. ૪
