રસિકવલ્લભ/પદ-૧૩

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૧૨ રસિકવલ્લભ
પદ-૧3
દયારામ
પદ-૧૪ →


<poem>

પદ ૧૩ મું પરબ્રહ્મનું સ્વરુપ

આદ્ય સ્વયંભુ આત્મારામજી, મુળ પુરૂષ જે પૂરણકામજી; પ્રધાનપુરૂષેશ્વર પરબ્રહ્મજી, નેતિ નેતિ કહે નિગમજી. ૧

પર અક્ષરથી ત્રિગુણાતીતજી, ગમ્ય ન મન ગો અકળ અજીતજી; જે થકી કંપે માયા કાળજી, એવું અખિલનું રૂપ રસાળજી. ૨

ઢાળ બ્રહ્મ રસત્મકતા

જે રસાળ, નિત્ય, નવીન, મોહન, આનંદમય બહુ સંગ; નટવર લલિતત્રિભંગ છબી, પર વારુ અનંત અનંગ. ૩

અક્ષરબ્રહ્મથી પરબ્રહ્મની અધિકતા

પ્રતિરોમ જે મહાપુરૂષ બ્રહ્મ બ્રહ્માંડ કોટિ અનંત; તે વામ પદમાં બિન્દુરૂપે વસે રાધાકાંત. ૪

બ્રહ્મનું અન્તર્યામિત્વ

પરમાત્મ ધર્મ્યે કરી જે સર્વના અંતર્યામી; શ્રીનારાયણ ભગવાન ધર્મ્યે સકળ કેરા સ્વામી. ૫

આકૃતિ શિશુ ને કુમાર વ્રજ, પૌંગંડ નંદકુમાર; છે ધર્મી નિત્ય કિશોર કેશવ, રાધિકા ઉર હાર. ૬

નિત્ય નવલ યશ બે સહસ્ત્ર રચના, શેષ જેના ગાય છે; શિવશિશ પાવન અચલ પદ પય, વહનકરી સુખી થાય છે. ૭

જે મુળ પ્રકૃતિ મહામાયા, જે પુરુષની કીંકરી; તે દયાપ્રીતમ અખિલ ઈશ્વર ગોપીજનવલ્લભ હરી. ૮

(પૂર્ણ)