રસિકવલ્લભ/પદ-૨૨

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૨૧ રસિકવલ્લભ
પદ-૨૨
દયારામ
પદ-૨૩ →


<poem>

પદ ૨૨ મું ભગવાનની વ્યાપકતા

વિશ્વ સકળ છે હરિનું રૂપજી, એકાંશે વ્યાપક વ્રજભૂપજી; કરતા હરતા પોષક સ્વામીજી, સહુ ઘટવાસી અંતરયામીજી.

માટે કોઈનો દ્રોહ ન કરવોજી, હરિ દુખાશે એ ભય ધરવોજી; જે તે રીતે કોઈ તનુધારીજી, સુખી કરતાં ખુશી કુંજવિહારીજી.

ઢાળ દશા એ જ પ્રભુ પ્રસન્નતામાં મુખ્ય કારણ

કુંજ વિહારી રાજી રહે, જો દયા સહુપર હોય; આત્મા ન કોઇનો દુઃખવે, નવ દોષ કોઈ કોઇનો જોય. ૩

સહુ દેવ હરિ અંગેથી ઉપન્યા, દાસ હરિનો જાણિ; નિંદા અરિશ્યા ના કરે પણ ભજે સારંગપાણિ. ૪

શ્રી કૃષ્ણચંદ્ર વિના ન કોઈની, ભીતિ કહે કોઈ તૃષ્ણ; સહેજે શિવાલય માર્ગે દીઠું, કરવા જયશ્રીકૃષ્ણ. ૫

હરિમાં સર્વનો સમાવેશ

હરિને વિષે સહુ વિશ્વ તે, હરિ પૂજતાં પૂજાય; કોઈ કહે હું હરિમાં નથી, તેને પુજે અમારી બલાય. ૬

પ્રતિ પશુ પશુસેં ચિસાડો પ્રતિ પોલીએ શું મોંણ ? સમજુ ન દેવા વિસરે, વડિ વડિ પ્રત્યે લોંણ. ૭

શિવ સ્ફુટ નમ્યા નહિ દક્ષને, દેખી દેહાભિમાન; જન દયા પ્રીતમ કૃષ્ણ અંતરયામિ નમિયા ધ્યાન. ૮

(પૂર્ણ)