રસિકવલ્લભ/પદ-૨૪

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૨૩ રસિકવલ્લભ
પદ-૨૪
દયારામ
પદ-૨૫ →


<poem>

પદ ૨૪ મું

અન્યાશ્રય નિંદા

અન્યાશ્રયનું ફળ છે એહવુંજી, નંદાદિકને દીઠું જેહવુંજી; હરિને હિત ના આવે ત્યાંયજી, જેનું ચિત્ત હોય બહુ સુરમાંયજી. ૧ પ્રાધૂર્ણિક બહુ ઘરનો હોયજી, મરે ક્ષુધાએ ન પૂછે કોયજી; પુત્ર પુંશ્ચલી પિતતું કહે કહોનેજી, લાડ ઓલંભા કોઈ ન માનેજી. ૨

ઢાળ ખરો સંત કોણ ?

માને ન મન માધવ વિના, કહ્યું તેજ સાચો સંત; નિજ પ્રાણ અધિકો લહે તેને ભક્તાધીન ભગવંત. ૩

અન્યાશ્રય વિષે શિષ્યની શંકા

એમ સુણી બોલ્યો શિષ્ય, પ્રભુ સંશય રહે છે એક; આપે કહ્યું તે ખરૂં, ભજવા એક હરિ ધરિ ટેક. ૪

શ્રુતિ સ્મૃતિ દૃઢ થયું સંશય ન નિશ્ચે એવ; છે એમ, તદપિ ઘણા જન ક્યમ ભજે ઇતર દેવ. ૫

કેટલાક સુર દૃઢ એક, કેટલા નામે સઘળે શીશ; તે ક્યમ હશે ગુરુજી કહો ઝળકે પ્રબળ જશ જગદીશ. ૬

ગુરુએ આપેલો ઉત્તર

એમ સુણી શ્રી ગુરુએ કહ્યું સાંભળ કહૂં કારણ, તાત! જે અંશ જેહના હોય તે, તેને ભજે શ્રુતિ ખ્યાત. ૭

જે જેહનું તેહને તે મળે, તવ થાય ચિત્તનિરોધ; જ્યમ દયાપ્રીતમ કૃષ્ણ સેવે ભગવદી વણ બોધ. ૮

(પૂર્ણ)