રસિકવલ્લભ/પદ-૨૫

વિકિસ્રોતમાંથી
દિશાશોધન પર જાઓ શોધ પર જાઓ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૨૪ રસિકવલ્લભ
પદ-૨૫
દયારામ
પદ-૨૬ →


<poem>

પદ ૨૫ મું

અધિકારાનુસાર ભક્તિ વત્સ કદા મહિષી નવ ધાવેજી, ધેનુ મહિષ ન આવેજી; ગુણ અવગુણનું કશું ન કામજી, ચિત્ત જેહનું જ્યાંહ ત્યાંહજ વિરામજી. ૧

ભૂલું પડિયું બાળક રોયજી, મુખ અધમોત્તમ સહુનાં જોયજી; તદપિ ન ભટકણ ભાગે મનનીજી, સદ્ય શાન્તતા મળતાં જનનીજી. ૨

ઢાળ જ્યમ જનનિ મળતાં જંપ તત્ક્ષણ, અવર રહે નહિ આશ; પછી બોધ તેહને ન કરવો, પામ્યા પૂરણ અભિલાશ. ૩

સર્વત્ર નમનારની અવગણના? સઘળે નમે પંચપિરિયા, જીવ આસુરી કહેવાય; ઉપજતાં માયામાં મળ્યા, કેમ એક ઠોર ઠરાય. ૪

ઈશ્વરની સૃષ્ટિનો હેતુ એકદા શ્રીમદ્ પુરુષોત્તમ ઇચ્છા ઉપનિ એહવી; વિસ્તાર જગમાં થાય જશનો, કૃતિ કરવી તેહવી. ૫

ભૃકુટિભંગથી સૃષ્ટિ એમ ધારી ભૃકુટિ ભંગથી, ઉપજાવી સૃષ્ટિ સાર; બ્રહ્માંડ ભવ્ય વિચિત્ર નાના, લોક દશ ને ચાર, ૬

મહી મંડળ, નવ ખંડાદિ, રચના રમત માત્રમાં કીધી; જુગ પ્રકારે રચિ સૃષ્ટિ, કરવા નિજપર પ્રસિદ્ધિ. ૭

જીવોની દ્વિવિધતા - દૈવી અને આસુરી જીવો એક દૈવી બીજી આસુરી ઉપજાવિ આપોઆપ; જન દયા પ્રીતમ, સકળ શક્તિ પતિ અતુલ પ્રતાપ.૮

(પૂર્ણ)