રાષ્ટ્રિકા/સર ફિરોજશાહ મહેતાનો વિજય
| ← હિંદના દાદાનું સ્વદેશાગમન | રાષ્ટ્રિકા સર ફિરોજશાહ મહેતાનો વિજય અરદેશર ખબરદાર |
એક સ્મરણ (સ્વ. કેખુશરો ન. કાબરાજી) → |
સર ફિરોજશાહ મહેતાનો વિજય
• ધ્વનિત •
ભડ ભારતવીર ફિરોઝ ! સ્વતંત્ર સખે !
નર સિંહ સમાજતણા રણશૂરા ખરા !
તુજ ગર્જનથી ગગડાવી ધ્રુજાવી ધરા
જગવ્યા અમને ધસવા સ્વભૂમિપડખે.
તુજ કીર્તીરવિ તમ [૧] ડૂબાવવા હરખે
કંઇ દેશાતણા અરિ [૨] જે કૂદતા જબરા,
ધૂળમાં સહુ તે ગ્રથી કંટકના ગજરા
તુજ તેજપ્રતાપ વિષે બની અંધ ધખે !
ગુણ[૩] ભારતબાંધવમાળતણા [૪] વિરલા !
તુજ શબ્દ સમુદ્રતરંગ સામા ગરજે;
તુજા ઉજ્જવલ, ધૈર્યપ્રતાપી સ્વરાજ્યકલા
પ્રિય દેશબંધુતણાં ઉરમાં ભરજે;
અમ આશાધરાક્ષિતિજે સૌપ્રભા સફલા,
વીર ધન્ય ફિરોઝ ! સદા ઊગતી ધારાજે !