શ્રી આનંદધન ચોવીશી/શ્રી સંભવનાથ સ્વામી
| ← શ્રી અજિતનાથ સ્વામી | શ્રી આનંદધન ચોવીશી શ્રી સંભવનાથ સ્વામી આનંદધન |
શ્રી અભિનંદનનાથ સ્વામી → |
(૩) શ્રી સંભવનાથ જિન સ્તવન
(રાગ: સામગ્રી - રાતડી રમીને કિહાંથી આવિયા રે...)
સંભવદેવ તે ધુર સેવો સેવે રે,
લહી પ્રભુ સેવન ભેદ;
સેવન કારણ પહેલી ભૂમિકા રે,
અભય અદ્વેષ અખેદ સંભવ૦ ૧
ભય ચંચલતા હો જે પરિનામની રે,
દ્વેષ અરોચક ભાવ;
ખેદ પ્રવૃત્તિ હો કરતાં થાકોયે રે,
દોષ અબોધ લખાવ. સંભવ૦ ૨
ચરમાવર્ત[૧] હો ચરમકરણ[૨] તથા રે,
ભવપરિણતિ પરિપાક;
દોષ ટળે વળી દ્રષ્ટિ ખૂલે રે,
પ્રાપ્તિ પ્રવચન વાક. સંભવ૦ ૩
પરિચય પાતિક-[૩] ઘાતિક સાધશું રે,
અકિશળ અપચય ચેત;
ગ્રંથ અધ્યાતમ શ્રવણ મનન કરી રે,
પરિશીલન નય હેત. સંભવ૦ ૪
કારણ જોગે હો કારજ નીપજે રે,
એમાં કોઈ ન વાદ;
પણ કારણ વિણ કારજ સાધિયે રે,
એ નિજ મત ઉન્માદ. સંભવ૦ ૫
મુગ્ઘ સુગમ કરી સેવન આદરે રે,
સેવન અગમ અનુપ;
દેજો કદાચિત્ સેવક યાચના રે,
'આનંદધન' રસ રૂપ. સંભવ૦ ૬