હાલરડાં/ભોળી જમના
< હાલરડાં
| ← માતા અનસૂયા ઝુલાવે | હાલરડાં ભોળી જમના ઝવેરચંદ મેઘાણી |
કાનકુંવરની ઝૂલડી → |
ભોળી જમના
સોનલા ઈંઢોણી રે ભોળી જમના
રૂપલાનું બેડું રે ભોળી જમના
વીશ બેડાં ભરિયાં રે ભોળી જમના
એક બેડું ખાલી રે ભોળી જમના
ત્યાં તો બાળ ઊઠ્યાં રે ભોળી જમના
કેમ દોરી તાણી રે ભોળી જમના
આમ દોરી તાણી રે ભોળી જમના
પછી ખેતર ગ્યાં'તાં રે ભોળી જમના
ત્યાં તો હરણ આવ્યાં રે ભોળી જમના,
કેમ હરણ ઠેકે રે ભોળી જમના
આમ હરણ ઠેકે રે ભોળી જમના