કલ્યાણિકા/અનુભવ

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← જીવનઘાટના ઘા કલ્યાણિકા
અનુભવ
અરદેશર ખબરદાર
પ્રાર્થના →
રાગ ધનાશ્રી - તાલ ત્રિતાલ [૧]


દુઃખના દાઝ્યાં દિલ તે દાઝે;
શું સમજે એ હોય સુખિયાં જે ?
દુઃખનાં દાઝ્યાં દિલ તે દાઝે. - (ધ્રુવ)

તનદુઃખ મનદુઃખ જગમાં
બહુ બહુ જનને બાઝે;
અંધાનાં કોણ ઉકેલે અંધારાં,
જામ્યાં જીવનભરનાં જે?
દુઃખના દાઝ્યાં દિલ તે દાઝે.

રામ ને લક્ષ્મણ વનવન રઝળ્યા
સતી સીતાને કાજે;
બાર બાર વર્ષનાં દુઃખ શું જાણે
ઘરમાં રહી જે વિરાજે?
દુઃખના દાઝ્યાં દિલ તે દાઝે.

ખટ ખટ માસની રાતડી ધ્રુજે,
ખૂટે ન કોઈ ઈલાજે;
સાલે નહીં ધ્રુવ દેશનાં સંકટ
અન્ય પ્રદેશસમાજે :
દુઃખના દાઝ્યાં દિલ તે દાઝે.

તાપતણા તણખા તન ઊઠે,
ઘોર ગગન ઘન ગાજે;
ભક્તનું અંતર સુણી રહ્યું તે ન
મંદિરઘંટ-અવાજે !
દુઃખના દાઝ્યાં દિલ તે દાઝે.

હો પ્રભુ ! તારી તો નેહકટારી
અદલ ઉરે પડી આજે:
ભક્તતણું એ અબોલ વિરહદુઃખ
તું વિણ કોણ રે ભાંજે ?
દુઃખના દાઝ્યાં દિલ તે દાઝે.

==નોંઘ==

  1. "રામબાણ વાગ્યાં હોય તે જાણે," - એ ધના ભગતના ભજનની રાહ.
-૦-