ન્હાના ન્હાના રાસ - ભાગ ૩/આહીરિયા અજાણ
| ← આવી ગયો સામળો | ન્હાના ન્હાના રાસ - ભાગ ૩ આહીરિયા અજાણ ન્હાનાલાલ કવિ |
આંખડીને વારજો → |
અમે તો આહીરિયાં અજાણ,
સુજાણ ! ત્હમે શાં શાં જાણ્યાં રે ?
સૂર્યના સોહાગમાં ને ચન્દ્રના પરાગમાં
ફુલડાંના પ્રફુલ્લેલા પ્રાણ;
સુજાણ ! ત્હમે શાં શાં જાણ્યાં રે ?
ઉગન્તી આશનાં કે આથમી નિરાશનાં
સજ્જનોના આત્મનાં ઉંડાણ:
સુજાણ ! ત્હમે શાં શાં જાણ્યાં રે ?
સલૂણા સ્હવા૨ની કે શીળી મીઠી સ્હાંજની
પ્રેમીએાના પ્રેમની રસમાણઃ
સુજાણ ! ત્હમે શાં શાં જાણ્યાં રે ?
પુણ્યના પ્રકાશમાં કે પાપના અન્ધારમાં
હૈયાના રત્ન કેરી ખાણ
સુજાણ ! ત્હમે શાં શાં જાણ્યાં રે ?
માનવીની મેદની કે ગહન કો એકાન્તમાં
સુન્દરીની આંખડીની આણ
સુજાણ ! ત્હમે શાં શાં જાણ્યા રે ?]
અમે તો આહીરિયા અજાણ,
સુજાણ ! ત્હમે શાં શાં જાણ્યા રે !
♣