રસિકવલ્લભ/પદ-૭૬
| ← પદ-૭૫ | રસિકવલ્લભ પદ-૭૬ દયારામ |
પદ-૭૭ → |
પદ ૭૫ મું
ધન પણ તેવું મન બગાડેજી, પ્રભુમાં પહોંચ્યું ખેંચી કાઢેજી;
અનર્થ જેમાં દશ ને પાંચજી, શ્રીમુખ ગાયા ભરીયાં આંચજી; ૧
સહ્રદય સર્વથી ક્લેશ કરાવેજી, પ્રાણ ખોય કે પ્રેત બનાવેજી;
હરિ સેવામાં વા પરમાર્થજી, વિત્ત વવરાયું સફલિત અર્થજી. ૨
ઢાળ
સફલિત કરવું અર્થ એમ જ, હોય જો કદિ પાસ;
નૂતન ઉપાર્જન કેરી હરિજને ન ધરવી આશ. ૩
મેલતાં દુઃખ દુઃખ રક્ષણે, હાનિ થાતાં મહાદુઃખ;
પલવાર પ્રભુ ભજવા ન પણ રહે, ચિત્ત કૃષ્ણ વિમુખ. ૪
ભોજન વસન ચિંતા કરી, વૈષ્ણવે ન થાવું ઉદાસ;
સહુ વિશ્વે પોષે વિશ્વંભર, ક્યમ ભૂલશે નિજ દાસ? ૫
ગિરિ શિખર દ્રુમ સિંચે હરિ, અનાયાસ અજગર પોખે;
દધિ મધ્ય શક્કરખોર ખગ, સાકર વડે સંતોખે. ૬
જન્મતા પહેલું જનનિસ્તન પય, પ્રકટ કર્યું પ્રભુ પાસ;
ચગુણી રચ્યા પછી ચંચુ રચી, જડ જીવ નથી વિશ્વાસ. ૭
છે અજબ ગુલમેરી ખગી, તજી આહાર રટે મુખ રામ;
જન દયાપ્રીતમ ચંચુ કરી, ચરણે ચતુર સુખધામ. ૮