રાસચંદ્રિકા/અબોલા

વિકિસ્રોતમાંથી
← રૂપ રાસચંદ્રિકા
અબોલા
અરદેશર ખબરદાર
રૂસણાં →
માને તારું તે તો ઘેલડી




અબોલા

♦ માને તારું તે તો ઘેલડી ♦


બોલે તે તો છે ઘેલી બાપડી,
તમારી સાથે
બોલે તે તો છે ઘેલી બાપડી !—

મીઠું મીઠું બોલી તમે હૈડું હરી લ્યો છો,
ભૂલમાં ખવાડો પછી થાપડી !
તમારી સાથે૦

જાદુગર જાદુ કરી ચિત્ત લે છે ચોરી,
રહેતું પછી કહો શું પાસે આપડી?
તમારી સાથે૦

નિશ્ચય કીધો આ, કદી તમથી ના ભોળાવું,
ડૂબે મારી અધવચે તરાપડી !
તમારી સાથે૦


રોજ રોજ ઘેલુડી ને વહાલુડી ને બાલુડી
સુણવાં એવાં વેણ શું નીચાં પડી ?
તમારી સાથે૦

પાંચ જણની વચ્ચે મારે થાય જોવા જેવું,
તમારે તો જાણે છે મજા પડી !
તમારી સાથે૦

મેઘ જેવા ગાજશો ને મેઘ જેવા વરસશો,
અમારી તો ભીંજે આ એક કાપડી !
તમારી સાથે૦

જાઓ રે ઠગારા ! હવે હું તો નહીં બોલું :
પણ આ અદ્દલ મનને શી પડાપડી !
તમારી સાથે
બોલે તે તો છે ઘેલી બાપડી !