રાસચંદ્રિકા/આજની વાત
| ← ત્રિકાલ | રાસચંદ્રિકા આજની વાત અરદેશર ખબરદાર |
વનના પરોણા → |
આજની વાત
♦ ઊભા રહો તો કહો વાતડી, બિહારીલાલ. ♦
૧
વહી ગઈ તે સહુ વાતડી, વિસારો આજ !
ઘેરી અંધારી ગઈ રાતડી, વિસારો આજ !
વાયા ઊના વંટોળિયા, વિસારો આજ !
ધગધગતા રસ ઉર ઢોળિયા, વિસારો આજ !
ગગને કાળા ઘન ઘેરતા, વિસારો આજ !
હૈયે ભયાનલ વેરતા, વિસારો આજ !
લાગ્યા તે ડંખ કૈં ઝેરીલા, વિસારો આજ !
ભૂંડા પાપી ને સૌ વેરીલા, વિસારો આજ !
ખારે દરિયે એ વહી ગયાં, વિસારો આજ !
કોણ એ ફોગટ સહી રહ્યાં ? વિસારો આજ !
૨
વહાલાં ! ઉઘાડો રસઆંખડી, સંભારો આજ !
આભે ઉઘાડી તેજપાંખડી, સંભારો આજ !
ભાગ્યા અંધાર આભકાંકડે, સંભારો આજ !
માગ્યા પ્રકાશ ઉર સાંપડે, સંભારો આજ !
ખીલ્યાં છે પુર વન વાડીઓ, સંભારો આજ !
ફૂલે ફૂલે લચે ઝાડીઓ, સંભારો આજ !
અધૂરાં હતાં તે પૂઋણ પામશે, સંભારો આજ !
આનંદ ને સ્નેહ બધે જામશે, સંભારો આજ !
આંગણ વેરાય નવજ્યોતિ આ, સંભારો આજ !
લ્યો, લ્યો, અદ્દલ ઝટ ગોતી હા, સંભારો આજ !