રાસચંદ્રિકા/વસંતના ભણકા
| ← સવારમાં જળ ભરવા | રાસચંદ્રિકા વસંતના ભણકા અરદેશર ખબરદાર |
ફૂલડાંની છાબ → |
વસંતના ભણકા
♦ પાલવડો મારો મેલો, મોહનજી. ♦
થનગન વનમાં નાચે વસંત હો !
હૈયાની કુંજ મારી હૂલે-ઝૂલે;
ઊંડેરી એક તહીં બોલે કોયલડી,
ડોલે વસંત ત્યાં ફૂલે-ફૂલે.
થનગન વનમાં. ૧
ઉજળા આકાશમાં ઉઘડે વસંત હો !
દિન દિન રંગ કંઈ નવલા ઝરે;
રંગે રંગે મારી ચમકે આંખલડી,
ઠમકે વસંત એ ધરણી પરે.
થનગન વનમાં. ૧
રસ રસ કરતી રેલે વસંત હો !
તરસી જગત અમીબિંદુ ઝીલે;
હૈયે મારે ધારા કૂટે મીઠલડી;
લૂંટે વસંતડી, છલકે -ખીલે.
થનગન વનમાં. 3
ઝાડીના ઝુંડમાં હીંચે વસંત હો !
પાને પાને કાળી મીંચાઈ હસે;
ઘેલી ઘેલી મારી અલગે વાતલડી,
જાગે વસંતડી નસે નસે.
થનગન વનમાં. ૪
લીલા લલિત નવી લાવે વસંત હો !
ઘેરાંઘેરાં મારામ્ નયણાં ફરે,
હૈયે નવલ મ્હેકે મ્હેકે રસિકડી,
લ્હેકે વસંતડી શમણે સરે.
થનગન વનમાં. ૫
ઝીણું ઝીણું કંઈ ગુંજે વસંત હો !
ઊંડા ઊંડા ઉર ભણકા ઢળે;
આઘે આઘે સખિ! વાજે વસંતડી,
આજે વસંતડી એ શું છળે?
થનગન વનમાં. ૬